32-я гадавіна Жнівеньскіх пагадненьняў

pl.wikipedia.org

Сёньня ля Помніка загінулым суднабудаўнікам у Гданьску прайшлі цэнтральныя ўрачыстасьці з нагоды 32. гадавіны заключэньня Жнівеньскіх пагадненьняў 1980 году.

Гадавіна адзначаецца таксама ў іншых гарадох Польшчы. У Варшаве прэзыдэнт Браніслаў Камароўскі адзначыў больш за 40 прадстаўнікоў антыкамуністычнай апазыцыі ПНР.

31 жніўня 1980 году на тэрыторыі Гданьскай суднаверфі прадстаўнікі ўраду й рабочых падпісалі гістарычныя Жнівеньскія пагадненьні.

Урадавы бок прадстаўляў тагачасны віцэ-старшыня Рады міністраў Мечыслаў Рачыньскі, а Міжзаводзкі страйкавы камітэт ягоны старшыня Лех Валэнса.

Жнівеньскія пагадненьні прычыніліся да падзеньня камунізму ў краіне ды далі пачатук сыстэмным пераменам у іншых краінах Цэнтральнай і Ўсходняй Эўропы. Апрача таго, яны легалізавалі дзейнасьць прафсаюзу „Салідарнасьць”, абавязалі ўлады ажыцьцявіць эканамічнай рэформы, адмяніць закон аб цэнзуры ды перагледзець справы рабочых, звольненых з працы пасьля страйкаў у 1970 і 1976 гадах.

30 жніўня падобныя пагадненьні былі заключаныя з рабочымі ў Шчэціне, а 3 верасьня - у Ястшэмбю.

У 2005 годзе Сэйм устанавіў 31 жніўня Днём свабоды й салідарнасьці. Сьвята мае дзяржаўны характар.

аз