3 лістапада – дзень нацыянальнай жалобы ў Польшчы

Прэзыдэнт Польшчы Браніслаў Камароўскі абвясьціў бліжэйшую нядзелю, 3 лістапада, днём нацыянальнай жалобы пасьля сьмерці Тадэвуша Мазавецкага, - паведаміла прэс-служба Канцылярыі прэзыдэнта Польшчы.

Гэты факт павінны традыцыйна браць пад увагу радыё- і тэлестанцыі ды арганізатары розных культурных і спартыўных мерапрыемстваў. Аднак рашэньне аб тым, ці адклікаць імпрэзы, яны прымуць самастойна.

Пахаваньне Тадэвуша Мазавецкага адбудзецца менавіта ў нядзелю 3 лістапада. Першы некамуністычны прэм’ер-міністар пасьляваеннай Польшчы памёр у панядзелак раніцай.

Жалобныя ўрачыстасьці пачнуцца а 11.00 у Варшаўскай катэдры. Мазавецкага пахаваюць у сямейнай магіле на могілках у падваршаўскай мясцовасьці Ляскі.
Пахаваньне будзе мець дзяржаўны характар.

аз