Палякі разьвіталіся з Т. Мазавецкім

Тысячы людзей прыйшлі, каб аддаць пашану Тадэвушу Мазавецкаму. Сёньня труна зь целам памерлага палітыка была выстаўленая ў капліцы Прэзыдэнцкага палацу.

Першымі перад ёй пакланіліся прэзыдэнт Браніслаў Камароўскі з жонкай Аннай.

Жыхары Варшавы прыходзілі на Кракаўскае прадмесьце, каб пабачыць ахунутую ў бел-чырвоны сьцяг труну й упісацца ў кнігу спачуваньняў.

Ганаровую варту ля труны былога кіраўніка польскага ўраду несьлі жаўнеры й скаўты.

Нагадаем, першы некамуністычны прэм’ер-міністар пасьляваеннай Польшчы Тадэвуш Мазавецкі памёр у мінулы панядзелак. Палітык будзе пахаваны 3 лістапада на могілках у Лясках пад Варшавай. У дзень пахаваньня ў Польшчы абвешчаная нацыянальная жалоба.

аз