Сёньня дзень нацыянальнай жалобы ў Польшчы

У нядзелю 3 лістапада адбылося пахаваньне Тадэвуша Мазавецкага. Першы некамуністычны прэм’ер-міністар пасьляваеннай Польшчы памёр у панядзелак 28 кастрычніка раніцай.

Жалобныя ўрачыстасьці пачаліся да поўдня ў Варшаўскай катэдры. Мазавецкага пахавалі ў сямейнным склепе на могілках у падваршаўскай мясцовасьці Ляскі.
Пахаваньне мела характар дзяржаўнай урачыстасьці.

Прэзыдэнт Польшчы Браніслаў Камароўскі абвясьціў 3 лістапада днём нацыянальнай жалобы ў сувязі з паховінамі Тадэвуша Мазавецкага.

аз