Польскія мытнікі арыштавалі кантрабанду гераіну на 30 млн даляраў

Фота: PAP

Мытнікі з КПП у Мэдыцы на мяжы з Украінай затрымалі груз 150 кг гераіну.

Гэта адна з найбуйнейшых спробаў кантрабанды наркотыку ў Эўропе. Рынкавы кошт канфіскаванага гераіну складае каля 30 мільёнаў даляраў.

Мытнікі выявілі гераін у грузавіку на замежных нумарах, які спрабаваў уехаць на тэрыторыю Польшчы. Наркотыкі былі схаваныя ў 300 чорных, плястыкавых пакетах, разьмешчаных у падлозе прычэпа.

Гэта самая вялікая кантрабанда гераіну, выяўленая мытнікамі на працягу апошніх 7 гадоў.

аз