Яцанюк: спачатку выслалі бандытаў, а цяпер ваду й соль

Украіна можа прыняць гуманітарную дапамогу толькі ад Міжнароднага Чырвонага Крыжа, сказаў Арсеній Яцанюк. Кажучы пра калёну расейскіх грузавікоў, якія паводле расейцаў вязуць гуманітарную дапамогу для Ўкраіны, прэм’ер-міністар заявіў, што „ўзровень расейскага цынізму ня ведае межаў”.

Падчас паседжаньня ўкраінскага ўрада Арсеній Яцанюк сказаў, што Ўкраіна можа прыняць любую форму гуманітарнай дапамогі, але выключна ў адпаведнасьці з нормамі міжнароднага права й выключна ад Міжнароднага Чырвонага Крыжа.

„Спачатку яны высылалі сюды танкі, тэрарыстаў, бандытаў, якія стралялі па ўкраінцах, а цяпер пастаўляюць ваду й соль”, - сказаў Яцанюк.

Ён дадаў, што расейцы павінны паставіць 300 Камазаў, каб „забраць сваіх бандытаў”. Тады не было б ніякай неабходнасьці пасылаць гуманітарную дапамогу, дадаў кіраўнік украінскага ўраду.

аз