Менш замежнага капіталу ў расейскіх СМІ

Расейскія СМІ павінны скараціць да 20% долю свайго замежнага капіталу. Сёньня закон па гэтай справе падпісаў прэзыдэнт Уладзімір Пуцін. Новыя правілы будуць ажыцьцяўляцца са студзеня 2016 году.

Цягам бліжэйшых тыдняў уладальнікі мэдыя-канцэрнаў павінны разабрацца з пытаньнем уласнасьці. Канчатковы тэрмін увядзеньня зьменаў мінае ў лютым 2017 году.

Абмежаваньні не датычаць міжнародных мэдыя-канцэрнаў.

Нагадваем, да гэтай пары ўдзел замежнага капіталу ў расейскіх мэдыя-канцэрнах мог складаць максымальна 50% у выпадку электронных СМІ. Для друкаваных выданьняў ніякія ліміты не прымяняліся.

Новы закон уводзіць яшчэ адно абмежаваньне. З гэтага часу заснавальнікам мэдыя-кампаніі можa быць толькі грамадзянiн Расеі, які ня мае падвойнага грамадзянства.

аз