Сэйм рыхтуе зьмены ў выбарчы кодэкс

Сьпікер Сэйму Радаслаў Сікорскі даў час да канца тыдня парлямэнцкім фракцыям на падрыхтоўку прапановы па ўнясеньні зьмяненьняў у Выбарчы кодэкс.

Гэта вынік праблем з падлікам галасоў у першым туры мясцовых выбараў, калі дала збой кампутэрная сыстэма падліку й была рэкордная колькасьць несапраўдных бюлетэняў.

Радаслаў Сікорскі запэўніў, што будуць улічвацца ўсе ідэі, каб палепшыць працэдуру галасаваньня. Палітык дадаў, што такая сытуацыя больш ня можа паўтарыцца, бо яна падрывае давер да выбарчага працэсу.

Старшыня Сэйму падкрэсьліў, што яшчэ ёсьць час, каб унесьці зьмены ў выбарчае заканадаўства. Аднак, у зьвязку з тым, што ў 2015-м годзе адбудуцца прэзыдэнцкія выбары, гэтыя зьмены ня могуць мець фундамэнтальнага характару.

Зьменаў дамагаецца і апазыцыя, якая сумняваецца ў сапраўднасьці вынікаў мясцовых выбараў.