Эва Копач прадставіла новых міністраў Польшчы

Прэм’ер Эва Копач назвала прозьвішчы новых чальцоў ураду. Міністрам аховы здароўя прызначаны кардыяхірург прафэсар Марыян Зэмбаля, міністрам дзяржаўнай казны - Анджэй Чaрвіньскі (былы прэзыдэнт гораду Новы-Сонч), міністрам спорту - Адам Кoрaль.

Марэк Бярнацкі стане міністрам-каардынатарам па спэцслужбах. Намесьнікам міністра эканомікі – Анна Эва Нэмсь. У сваю чаргу Дарота Нядзеля была прызначана намесьнікам міністра аховы навакольнага асяродзьдзя.

Новыя міністры заменяць кіраўнікоў міністэрстваў, якія на мінулым тыдні падалі ў адстаўку ў сувязі са скандалам, зьвязаным з падслухоўваньнем высокапастаўленых палітыкаў у рэстаранах Варшавы.

Прызначэньні новым міністрам прэзыдэнт Браніслаў Камароўскі ўручыць у аўторак а 10.00.

аз