ЗША пачынаюць барацьбу з расейскай прапагандай

Амбасада ЗША ў Летуве абвясьціла пра спэцыяльны грант на 500 тысяч даляраў, выдзеленых на супрацьдзеяньне расейскім СМІ ў краінах Балтыі.
У праекце могуць узяць удзел як пачаткоўцы, так і вопытныя рускамоўныя журналісты й іншыя мэдыяпрафэсіяналы.

Паколькі расейская прапаганда й дэзінфармацыя множацца, сродкам масавай інфармацыі ва ўсіх трох краінах неабходныя навыкі й інструмэнты супрацьстаяньня - з дапамогай пераканаўчай інфармацыйнай журналістыкі, заснаванай на фактах, гаворыцца ў паведамленьні, разьмешчаным на сайце амбасады.

У Дзярждэпартамэнце ЗША разьлічваюць, што праграма будзе доўжыцца 12 месяцаў.

Замежнапалітычным ведамствам заплянаваны, між іншым, навучальныя паездкі ў ЗША для наведваньня рэдакцый і школ журналістыкі, вывучэньне новых мадэляў фінансаваньня й разьвіцьця крытычнага мысьленьня.

Удзельнікам праграмы з „рэалістычнымі ідэямі расьсьледвальных праектаў” абяцаюць грашовыя прэміі.

izvestia.ru/nn.by/аз