Безьбілетнік знойдзены ў багажным адсеку самалёта

Мужчына з Этыёпіі правёў у багажным адсеку самалёта авіякампаніі „Etiopian Airlines” усю дарогу з Адыс-Абэбы ў Стакгольм, з прыпынкам у Рыме.

За тое, што яго не знайшлі, і што ён не замерз падчас працяглага палёту, мужчына павінен быць удзячны лёсу.

Пакуль не вядома ці жыхар Этыёпіі будзе зьвяртацца па статус уцекача ў Швэцыі. З раніцы праходзілі яго допыты.

Безьбілетніка знайшлі каля 7:00 раніцы, падчас разгрузкі багажнага аддзяленьня. Мэдыкі кажуць, што стан яго здароўя добры. Відаць мужчыне дапамог факт, што ён схаваўся ў частцы, прызначанай для перавозкі жывёл, якая абаграваецца.

аз