Іран гатовы прадаваць нафту па любой цане

Незалежна ад цэнавай каньюнктуры пасьля адмены санкцый Захаду Іран мае намер нарошчваць сваю долю на сусьветным рынку нафты. Паведаміла агенцтва „Reuters” са спасылкай на іранскага міністра нафты Біджан Намдара Зангане.

„Мы павінны прадаваць сваю нафту нягледзячы на тое, ідзе цана ўніз або ўверх да $100 за барэль, — падкрэсьліў міністар. — Нават калі мы хочам прадаваць нафту даражэй, цана вызначаецца рынкам”.

Зангане папярэдзіў, што пасьля зьняцьця санкцый Іран верне сваю долю рынку ў памеры больш за 1 млн барэляў у суткі.

У сярэдзіне лістапада мінулага году Іран настойваў на тым, што камфортнай цаной нафты зьяўляецца як раз $100. Барэль тады вагаўся на ўзроўні $77-79.

Паводле камэнтатараў, гэта нанясе чарговы ўдар па нафтавых каціроўках, што адмоўна адаб'ецца на курсе расейскага рубля.

Генэральны дырэктар расейскага Фонду нацыянальнай энэргетычнай бясьпекі Канстанцін Сіманаў папярэджвае, што маштабны выхад на сусьветны рынак іранскай нафты можа прывесьці да найцяжэйшага крызысу ў АПЭК за ўвесь час існаваньня картэля й фактычна пагражае яго існаваньню.

gazeta.ru/аз