Нелегалы ў польскім грузавіку ў Славаччыне

У Славаччыне дайшло да аварыі польскага грузавіка, які перавозіў імігрантаў з Сырыі. У выніку ДТЗ загінуў славак – 32-гадовы кіроўца легкавога аўтамабіля.

Польскі грузавік перавозіў 20 сырыйскіх бежанцаў ва ўзросьце ад 18 да 53 гадоў і трое дзяцей.

Грузавы аўтамабіль сутыкнуўся лоб у лоб зь легкавым аўтамабілем непадалёк гораду Чадца.

Польскі кіроўца й сырыйцы спрабавалі зьбегчы зь месца здарэньня. Усе яны былі арыштаваныя славацкай паліцыяй.

Паляк заявіў, што яго „прымусілі ўзяць імігрантаў ля гораду Трэнчын й даставіць у Нямеччыну”. Больш падрабязнасьцяў ён не сказаў.

Паводле славацкай паліцыі, грузавік быў арандаваны ў адной зь фірмаў у Польшчы. Польскі кіроўца й сырыйскія бежанцы, якія ў Славаччыну перабраліся з тэрыторыі Вугоршчыны, былі затрыманыя. Славацкая паліцыя вядзе расьсьледаваньне.

аз