У Амстэрдаме сабраліся міністры абароны й замежных спраў ЭЗ

Сёньня ў Амстэрдаме праходзіць нефармальная сустрэча міністраў абароны й кіраўнікоў дыпляматыі краінаў ЭЗ.

Апрача паасобных сустрэчаў заплянаваны таксама супольны абед, на якім да міністраў далучыцца генэральны сакратар NATO Енс Стольтэнбэрг.

Супрацоўніцтва ЭЗ з альянсам, а таксама пытаньні бясьпекі – гэта асноўныя тэмы, якія будуць абмяркоўвацца падчас сумеснага абеду.

У сваю чаргу падчас рабочай сэсіі міністры абароны падвядуць вынікі двухдзённай неафіцыйнай сустрэчы, прысьвечанай місіям ЭЗ, якія праводзяцца ў сьвеце, і магчымасьцям супрацоўніцтва ў галіне абароны.

У сваю чаргу пасьля поўдня пачнецца двухдзённае паседжаньне міністраў замежных спраў 28 краінаў-сябраў ЭЗ. Сёньня яны засяродзяцца ў першую чаргу на супрацоўніцтве Эўразьвязу з Іранам пасьля пагадненьня па ядзернай праграме й адмены санкцый.

аз