Лех Валэнса: Я не агент

Лідар прафсаюзу «Салідарнасьць» у часы ПНР і пазьнейшы прэзыдэнт Польшчы Лех Валэнса абверг паведамленьні пра тое, што быў агентам камуністычных спэцслужбаў пад псэўданімам «Болек».

Паводле палітыка, не існуюць ніякія дакумэнты, якія ён падпісваў, і якія б сьведчылі пра яго супрацу са спэцслужбамі ПНР. Былы прэзыдэнт паведаміў, што зьбіраецца абараняць свой гонар у судзе.

Нагадаем, сёньня было паведамлена, што Лех Валэнса быў сакрэтным супрацоўнікам спэцслужбаў камуністычнай Польшчы. Гэта вынікае з дакумэнтаў, знойдзеных у доме памерлага восеньню генэрала Чэслава Кішчака, які ў часы Польскай Народнай Рэспублікі займаў высокія пасады ў структурах МУС і спэцслужбаў.

вс