Падатковая хоча спагнаць з Анжалікі Борыс каля 117 млн рублёў

Падатковая інспэкцыя Ленінскага раёна Горадні мае намер спагнаць больш за 117 млн беларускіх рублёў (прыкладна 6 тыс. даляраў) са старшыні Галоўнай рады непрызнаванага ўладамі Саюза палякаў Беларусі Анжалікі Борыс.

У адмысловым лісьце намесьніка кіраўніка падатковай інспэкцыі гаворыцца, што Анжаліка Борыс павінна сплаціць пазыкі ліквідаванай 2 гады таму фірмы «Палёніка», адным з заснавальнікаў і кіраўніком якой яна зьяўлялася.

Анжаліка Борыс не згаджаецца з закідамі падаткавікоў і лічыць справу палітычна матываванай.
Фірма «Палёніка» была ліквідаваная ў 2014 годзе згодна з рашэньнем Гарадзенскага абласнога гаспадарчага суда ў сувязі з банкруцтвам. Прычынай стаў высокі штраф, які атрымала фірма за культурніцка-асьветніцкую дзейнасьць.

паводле радыё рацыя/вс