Міністар крытыкуе зьмену трасы кальцавой Аўгустава

Міністар аховы навакольнага асяродзьдзя паведаміў, што падасьць у пракуратуру заяву па справе аўтадарожнай інвэстыцыі ў ляндшафтным заказьніку Даліна Роспуды. Ян Шышка дадаў, што гаворка ідзе пра зьмену трасы кальцавой Аўгустава ў 2009 годзе.

„Тады было заяўлена, што гэта неабходна, каб абыйсьці раён некрануты чалавекам”, нагадаў Ян Шышка. Аднак пасьля зьмены трасы кальцавая й так прайшла праз даліну, толькі ў іншым месцы, дадаў прафэсар.

„Гэтае месца, якое называлі некранутым чалавекам, цяпер зарастае. У выніку зьнікаюць віды, якія там раней існавалі. Гаворка ідзе ня толькі пра расьліны, але й пра птушкі”, - сказаў міністар навакольнага асяродзьдзя.

Паводле яго, ціск з боку экалягічных арганізацый і інстытутаў ЭЗ давёў да эканамічных стратаў. Зьмена трасы кальцавой Аўгустава прывяла да таго, што з праекту была выключана аўтатраса Е-19, якая мела спалучаць Балканы й Скандынавію й прычыніцца да ажыўленьня ўсходняй Польшчы.

аз