Больш за тысячу ўдзельнікаў чакаецца на форуме „БанкІТ'2016”

Каля 1,3 тысячы ўдзельнікаў чакаецца на 13-м міжнародным форуме па банкаўскіх інфармацыйных тэхналёгіях „БанкІТ”, які пройдзе 19-21 кастрычніка ў „Прэзыдэнт-гатэлі” ў Менску, паведамілі ў аргкамітэце форуму.

Арганізатарамі мерапрыемства зьяўляюцца Нацыянальны банк Беларусі, Навукова-тэхналягічная асацыяцыя „Інфапарк” і Асацыяцыя беларускіх банкаў.

Міжнародны форум „БанкІТ” зьяўляецца найбуйнейшай спэцыялізаванай пляцоўкай у Беларусі для абмену вопытам, атрыманьня інфармацыі аб новых прадуктах і тэхналёгіях, зносін і ўмацаваньня сувязяў паміж удзельнікамі фінансавага сэктара і ІТ-галіны Беларусі й замежных краін.

Мэта форуму — разьвіцьцё фінансавага бізнэсу шляхам укараненьня інфармацыйна-камунікацыйных тэхналёгій. Сёлета ў ім возьмуць удзел кіраўнікі банкаў, кіраўнікі бізнэс-падразьдзяленьняў і ІТ-кіраўнікі; спэцыялісты ў галіне распрацоўкі й прымяненьня інфармацыйных тэхналёгій; кіраўнікі й экспэрты ІТ-кампаній; прадстаўнікі дзяржструктур; прадстаўнікі ўстаноў адукацыі.

belapan.com/аз