У Польшчы назіраецца рэкордна нізкае беспрацоўе

У кастрычніку ўзровень беспрацоўя ў Польшчы склаў 8,2% - паведаміла Галоўнае статыстычнае ўпраўленьне. Гэта азначае, што ў параўнаньні зь верасьнем колькасьць беспрацоўных зьменшылася на 0,1 працэнтнага пункту.

Паводле дадзеных Галоўнага статыстычнага ўпраўленьня, у кастрычніку ў службах занятасьці быў зарэгістраваны 1 мільён 308 тысяч чалавек.

З 1991 году ўзровень зарэгістраванага беспрацоўя ніколі ня быў настолькі нізкім, як цяпер.

Паводле экспэртаў, сёлета, хутчэй за ўсё, нельга спадзявацца росту колькасьці беспрацоўных у Польшчы.

аз