Алесь Лагвінец пакінуў шэрагі руху «За Свабоду»

Як паведаміў Лагвінец БелаПАН, адпаведную заяву ён напісаў 3 сакавіка, але камэнтаваць прычыны выхаду з арганізацыі ня хоча.

Лагвінец сказаў, што плянуе займацца тым жа, чым і раней, але «з большай эфэктыўнасьцю: адукацыяй, дапамогай людзям, рашэньнем мясцовых праблем, працай з моладзьдзю«.

На пытаньне аб тым, ці плянуе ён уступаць у нейкую іншую арганізацыю, Лагвінец паведаміў, што «праінфармуе пра гэта пазьней».

16 кастрычніка 2016 года Лагвінец разам зь цяперашнім старшынёй Юрыем Губарэвічем вылучаўся на пасаду кіраўніка руху «За Свабоду», аднак па выніках тайнага галасаваньня прайграў.

Губарэвіч зьмяніў 69-гадовага Аляксандра Мілінкевіча, які кіраваў арганізацыяй з моманту яе заснаваньня ў 2007 годзе.

Лагвінцу прапаноўвалася заняць пасаду першага намесьніка старшыні руху, аднак ён адмовіўся, пагадзіўшыся ўвайсьці ў раду арганізацыі і, як ён заяўляў раней, заняцца праблемамі менскай гарадзкой арганізацыі.

navin.by/яс