Logo Polskiego Radia
Print

Беларуска - першая на фінішы Orlen Warsaw Marathon

PR dla Zagranicy
Jolanta Śmiałowska 23.04.2017 12:33
У маратоне ў польскай сталіцы перамагла беларуска Анастасія Іванова.
Анастасія Іванова на мэце  Orlen Warsaw MarathonАнастасія Іванова на мэце Orlen Warsaw MarathonPAP/Bartłomiej Zborowski

Анастасія Іванова дасягнула фінішу праз 2 гадзіны 28 хвілін і 42 сэкунды пасьля старту.

Найлепшым бегуном сярод мужчын зьяўляецца кэніец Фэлікс Кімутай. 42 км 195 м ён прабег за 2 гадзіны 10 хвілін і 34 сэкунды.

Сёньняшні дзень у Варшаве праходзіць пад знакам маратону. Раніцою а 9 гадзіне стартаваў Orlen Warsaw Marathon.

Кеніец
Кеніец Фэлікс Кімутай на мэце Orlen Warsaw Marathon.


Бег пачаўся каля Нацыянальнага стадыёна. Амаль 20 тысяч бегуноў прабеглі 42,195 мэтраў. Ліміт часу для ўдзельнікаў складае 5 гадзін 30 хвілін. Стартавы стрэл выканала Аніта Ўладарчык, сусьветны рэкардсмэн у кіданьні молата. На стартавай лініі прысутнічаў міністар спорту Польшчы Вітальд Банька.

Маршрут праходзіць праз галоўныя камунікацыйныя шляхі Варшавы: мост Сьвентакшыскі, Стары горад, Кракаўскае Прадмесьце, Алеі Ўяздоўскія, Алею Віляноўскую, вуліцы Яна III Сабескага, Чэрнякоўскую і Солец. Маратон завершыўся каля Нацыянальнага стадыёна.

Мерапрыемства суправаджаюць спартыўныя імпрэзы і мерапрыемствы, зьвязаныя са здаровым ладам жыцьця.

яс

Print
Copyright © Polskie Radio S.A Пра нас Кантакт