Чарговы тэракт у Вялікабрытаніі. Мікрааўтобус на вялікай хуткасьці ўрэзаўся ў суботу позна ўвечары ў натоўп пешаходаў на Лёнданскім мосьце. Паводле інфармацыі брытанскай паліцыі, шэсьць чалавек загінулі, сорак восем атрымалі раненьні. Неўзабаве пасьля наезду на людзей трое тэрарыстаў з нажамі выскачылі з фургона й пачалі наносіць нажавыя ўдары ў наведвальнікаў.
Усіх траіх застрэліла паліцыя. Адзін з налётчыкаў, паводле кампаніі BBC, якая спасылаецца на сьведкаў, крычаў «гэта за Алаха».
Некалькі дзён таму прэмʼер-міністар Вялікабрытаніі Тэрэза Мэй панізіла ўзровень тэрарыстычнай небясьпекі ў краіне з крытычнага, уведзенага пасьля тэракту ў Манчэстэры, да сурʼёзнага. Нагадаем, у Манчэстэры некалькі тыдняў таму падчас канцэрту ісламіст-сьмяротнік прывёў у дзеяньне бомбу, якая забіла дваццаць два чалавекі. У сваю чаргу ў канцы сакавіка тэрарыст на грузавіку пратараніў натоўп на лёнданскім Вэстмінстэрскім мосьце. У выніку тэракту загінулі пяць чалавек.
Словы спачуваньня Тэрэзе Мэй і брытанскаму народу выказалі прэзыдэнт Польшчы Анджэй Дуда й прэмʼер-міністар Бэата Шыдла. Прэмʼеру Вялікабрытаніі таксама патэлефанаваў прэзыдэнт ЗША Дональд Трамп, які асудзіў тэракт і запэўніў Лёндан у падтрымцы Злучаных Штатаў у барацьбе з тэрарызмам.
Чарговы тэракт у Вялікабрытаніі. Мікрааўтобус на вялікай хуткасьці ўрэзаўся ў суботу позна ўвечары ў натоўп пешаходаў на Лёнданскім мосьце.
Паводле інфармацыі брытанскай паліцыі, 7 чалавек загінулі, 48 атрымалі раненьні. Неўзабаве пасьля наезду на людзей трое тэрарыстаў з нажамі выскачылі з фургона й пачалі наносіць нажавыя ўдары ў наведвальнікаў.
Усіх траіх застрэліла паліцыя. Адзін з налётчыкаў, паводле кампаніі BBC, якая спасылаецца на сьведкаў, крычаў «гэта за Алаха».
Некалькі дзён таму прэмʼер-міністар Вялікабрытаніі Тэрэза Мэй панізіла ўзровень тэрарыстычнай небясьпекі ў краіне з крытычнага, уведзенага пасьля тэракту ў Манчэстэры, да сурʼёзнага. Нагадаем, у Манчэстэры некалькі тыдняў таму падчас канцэрту ісламіст-сьмяротнік прывёў у дзеяньне бомбу, якая забіла 22 чалавекі.
У сваю чаргу ў канцы сакавіка тэрарыст на грузавіку пратараніў натоўп на лёнданскім Вэстмінстэрскім мосьце. У выніку тэракту загінулі 5 чалавек.
Словы спачуваньня Тэрэзе Мэй і брытанскаму народу выказалі прэзыдэнт Польшчы Анджэй Дуда й прэмʼер-міністар Бэата Шыдла.
Прэмʼеру Вялікабрытаніі таксама патэлефанаваў прэзыдэнт ЗША Дональд Трамп, які асудзіў тэракт і запэўніў Лёндан у падтрымцы Злучаных Штатаў у барацьбе з тэрарызмам.
вс