Урад Польшчы назірае за сытуацыяй вакол Катару

«Польшча назірае за сытуацыяй вакол Катару», - так прэс-сакратар польскага ўраду Рафал Бахэнэк пракамэнтаваў дыпляматычныя дзеяньні на Блізкім Усходзе.

Нагадаем, 5 чэрвеня Саудаўская Арабія, ААЭ, Бахрэйн, Емэн, Эгіпет і іншыя краіны разарвалі дыпляматычныя адносіны з Катарам, абвінаваціўшы ўлады краіны ў сувязях з тэрарыстамі.

Паводле словаў Рафала Бахэнэка, польскі ўрад назірае за сытуацыяй і аналізуе яе. Ён адзначыў, што Катар зьяўляецца адным з пастаўшчыкоў энэргетычнай сыравіны для Польшчы. Бахэнек нагадаў, што Катар валодае разьвітой эканомікай і зьяўляецца адной з самых багатых дзяржаў сьвету.

Шэраг мусульманскіх краін абвінавачвае Катар у распальваньні канфліктаў на Блізкім Усходзе й падтрымцы «Братоў-мусульман». Улады Катару назвалі рашэньне аб разрыве дыпляматычных адносін «сумным, несправядлівым і беспадстаўным».

вс