Амэрыканскі звадкаваны газ даставілі ў польскі газапорт

Сёньня ў тэрмінале звадкаванага газу імя прэзыдэнта Леха Качыньскага ў Сьвінауйсьце (Świnoujście) адбылася ўрачыстая разгрузка першай партыі звадкаванага прыроднага газу з ЗША.

У канцы красавіка Польская нафтагазавая кампанія PGNiG падпісала з амэрыканскай кампаніяй Cheniere Energy кантракт на пастаўку гэтай сыравіны.

Сёньняшняя пастаўка газу з ЗША зьяўляецца першай у Цэнтральнай Эўропе.

„Уласны тэрмінал звадкаванага газу дае Польшчу шмат пераваг і ўмацоўвае ейную пазыцыю падчас перамоваў аб пастаўках газу з Расеі”, - кажа галоўны рэдактар парталу biznesalert.pl Войцех Якубік (Wojciech Jakóbik).
Экспэрт дадае, што газапорт дазволіць дывэрсіфікаваць крыніцы паставак „блакітнага паліва” ў Польшчу.

Прадстаўнікі PGNiG паведамілі, што дагавор быў заключаны на выгадных умовах, хоць цана за амэрыканскі газ і памер паставак пакуль не былі агучаныя.
Чарговая пастаўка звадкаванага газу з ЗША заплянаваная на ліпень.

аз