Logo Polskiego Radia
Print

Эўразьвяз працягне санкцыі супраць Расеі

PR dla Zagranicy
Eduard Zholud 29.06.2018 11:23
Аднак, новы італьянскі ўрад лічыць, што санкцыі супраць Расеі неэфэктыўныя й павінны быць перагледжаныя.
Саміт Эўрапейскай РадыСаміт Эўрапейскай РадыPAP/EPA/STEPHANIE LECOCQ / POOL

Дасягнутая згода аб падаўжэньні на шэсьць месяцаў эканамічных санкцый супраць Расейскай Фэдэрацыі. Санкцыі былі ўведзеныя за анэксію Крыма й агрэсію на ўсходзе Ўкраіны. Адзінагалосная дамоўленасьць аб падаўжэньні санкцыі да канца студзеня 2019 года была дасягнутая падчас сустрэчы эўрапейскіх лідэраў у Брусэлю.

Аднак, новы італьянскі ўрад лічыць, што санкцыі супраць Расеі неэфэктыўныя й павінны быць перагледжаныя. Палітыкі ў Брусэлю перакананыя, што санкцыі павіны доўжыцца да поўнага выкананьня Менскіх пагадненьняў.

Нагадаем, эўрапейскія абмежаваньні кранаюць банкаўскаю сфэру, нафтавыя кампаніі, істотна ўплываюць на інвэстыцыйны клімат Расеі. Таксама эўрапейскім кампаніям было забаронена пастаўляць прадукцыю падвойнага прызначэньня, якая можа быць выкарыстаная ў ваенных мэтах.

эж

Print
Copyright © Polskie Radio S.A Пра нас Кантакт