Італія будзе ашчаджаць на вязьнях-замежніках

Міністар юстыцыі Італіі заявіў, што вязьні-замежнікі будуць высланыя ў краіны свайго паходжаньня, дзеля адбываньня турэмнага зьняволеньня. На сёньняшні дзень траціна ўсіх насельнікаў італьянскіх турмаў, гэта грамадзяне іншых краін.

Міністар Альфонса Бонафэдэ адказваючы на ​​парлямэнцкі запыт адзначыў, што замежнікі складаюць 9% усіх жыхароў Італіі, але ў турмах, гэта прапорцыя павялічваецца да 35% і гэта прыблізна 20 тысяч вязьняў. Большасьць зь іх, гэта грамадзяне Марока, Румыніі, Альбаніі й Туніса.

Адзін дзень утрыманьня зьняволенага каштуе італьянскаму падаткаплацельшчыку каля 125 эўра. Агулам на ўтрыманьне замежных злачынцаў штогод Італія выдаткоўвае каля 1 мільярда даляраў.

Дадатковай падставай гэта рашэньня стала перагружанасьць італьянскіх турмаў. Пэнітэнцыярная сыстэма разьлічана на 50 тысяч зьняволеных, аднак зараз пакараньне адбывае каля 60 тысяч чалавек.

Міністар Бонэфэдэ паведаміў, што ў бліжэйшы час з Альбаніяй, Румыніяй і Тунісам будуць падпісаныя адпаведныя міжурадавыя пагадненьні.

эж