Над Польшчай прайшлі навальніцы ды інтэнсіўныя дажджы

У пятніцу Ўрадавы цэнтар бясьпекі абвясьціў на частцы польскай тэрыторыі трывогу ў зьвязку з надворʼем.

Цэнтар разаслаў камунікат з папярэджаньне пра надыход шторму ды навальніцы: «Увага! Сёньня пройдуць гвалтоўныя навальніцы з моцным ветрам ды дажджом. Месцамі магчымы град. Пазьбягайце адкрытай прасторы, будзьце асьцярожныя!».

Такую інфармацыю атрымалі жыхары Падляскага, Варміньска-Мазурскага, Мазавецкага ды Любэльскага ваяводзтваў. У Малапольскім, Сылескім ды Сьвентакшыскім ваяводзтвах абвешчана трывога ад навадненьня ІІ узроўня.

У выніку ўчора ратаўнікам давялося больш за 140 раз выяжджаць на ліквідацыю наступстваў буйства стыхіі. Найчасьцей ім давялося расчышчаць дарогі ад паваленых дрэваў, выпампоўваць ваду з залітых падвалаў і гаражоў, забясьпечваць сарваныя ветрам дахі.

Найбольш пацярпелі два паветы: Торуньскі ды Ліпноўскі. Тут зарэгістравана 47 і 41 выезд ратаўнікоў.

ПР\юл