Памёр сузаснавальнік кампаніі Microsoft
Пол Ален змагаўся з анкалягічным захворваньнем. Яму было 65 гадоў.
У Злучаных Штатах Амэрыкі памёр сузаснавальнік кампаніі Microsoft Пол Ален. Бізнэсмэн і філянтроп многія гады змагаўся з анкалягічным захворваньнем. Яму было 65 гадоў.
Пра сьмерць бізнэсмэна паведаміла ягоная сям'я. Пол Ален пакутаваў ад раку з 2009 году. Гэта быў рэцыдыў хваробы, зь якой ён упершыню вылечыўся 9 гадоў таму.
Пол Ален стварыў кампанію Microsoft у 1975 годзе разам са сваім калегам зь дзяцінства Білам Гейтсам. Пасьля таго, як у яго ўпершыню выкрылі рак у 1983 годзе, Ален сышоў з кампаніі, захаваўшы частку акцый і месца ў радзе дырэктараў.
Кампанія Microsoft на працягу многіх гадоў была сусьветным лідарам у галіне інфарматыкі, а яе заснавальнікі апынуліся ў сьпісе самых багатых людзей у сьвеце. Часопіс Forbes ацаніў актывы Пола Алена на больш за 20 мільярдаў даляраў.
Бізнэсмэн не шкадаваў грошай на дабрачыннасьць і філянтропію. Сярод іншага, ён заснаваў інстытут, які вывучае працу чалавечага мозгу. У апошнія гады ён фінансаваў у археалягічныя місіі, у тым ліку ў пошук караблёў часоў Другой сусьветнай вайны. Таксама інвэставаў у спорт.
аз
У Злучаных Штатах Амэрыкі памёр сузаснавальнік кампаніі Microsoft Пол Ален. Бізнэсмэн і філaнтроп многія гады змагаўся з анкалягічным захворваньнем. Яму было 65 гадоў.
Пра сьмерць бізнэсмэна паведаміла ягоная сям'я. Пол Ален пакутаваў ад раку з 2009 году. Гэта быў рэцыдыў хваробы.
Пол Ален стварыў кампанію Microsoft у 1975 годзе разам са сваім калегам зь дзяцінства Білам Гейтсам. Пасьля таго, як у яго ўпершыню выкрылі рак у 1983 годзе, Ален сышоў з кампаніі, захаваўшы частку акцый і месца ў радзе дырэктараў.
Кампанія Microsoft на працягу многіх гадоў была сусьветным лідарам у галіне інфарматыкі, а яе заснавальнікі апынуліся ў сьпісе самых багатых людзей у сьвеце. Часопіс Forbes ацаніў актывы Пола Алена на больш за 20 мільярдаў даляраў.
Бізнэсмэн не шкадаваў грошай на дабрачыннасьць і філaнтропію. Сярод іншага, ён заснаваў інстытут, які вывучае працу чалавечага мозгу. У апошнія гады ён фінансаваў археалягічныя місіі, у тым ліку пошук караблёў часоў Другой сусьветнай вайны. Таксама інвэставаў у спорт.
аз