ЗША зьбіраюцца падтрымаць Трохмор'е

На наступным тыдні супрацоўнікі амэрыканскіх пасольстваў з 13 краін Эўрапейскага зьвяза сустрэнуцца, каб вызначыць, як найбольш эфэктыўна ЗША могуць падтрымаць ініцыятыву Трохмор'е. Пра гэта паведаміла пасол ЗША ў Польшчы Джарджэт Масбахер.

«Умацаваньне энэргетычнай, лічбавай і транспартнай інфраструктуры ў Цэнтральнай Эўропе умацоўвае саюз ЗША з Эўропай», — адзначыла дыплямат.

Ініцыятыва Трохмор'е зьяўляецца плятформай для супрацоўніцтва кіраўнікоў 12 дзяржаў, разьмешчаных паміж Адрыятычным, Балтыйскім і Чорным марамі. Яе мэтай зьяўляецца ўмацаваньне згуртаванасьці ў рамках Эўрапейскага зьвяза шляхам ўмацаваньня інфраструктурнага, энэргетычнага і эканамічнага супрацоўніцтва.

Членамі ініцыятывы Трохмор’е зmяўляюцца Аўстрыя, Баўгарыя, Харватыя, Чэхія, Эстонія, Літва, Латвія, Польшча, Румынія, Славакія, Славенія і Вугоршчына.

IAR/вк