У Варшаве пратэстуюць таксісты

Паводле арганізатараў, сёньняшні пратэст будзе найбуйнейшым у гісторыі. Акцыя будзе доўжыцца ад 10 да 17 гадзінаў. Вуліцы Варшавы плянуюць блякаваць ня толькі мясцовыя таксісты, але таксама іх калегі з Кракава, Лодзі, Сылезіі і Ўзьбярэжжа.

Таксісты пратэстуюць супраць так званага „Lex Uber”, то бок праекту зьменаў у Закону аб дарожным транспарце, які ў аўторак прыняў урад. Праект, сярод іншага, прадугледжвае магчымасьць выкарыстоўваньня мабільнага прыкладаньня ў якасьці альтэрнатывы цяперашнім таксомэтру й касаваму апарату, а таксама ўвядзеньне тэрміну „пасярэдніка” ў пасажырскіх перавозках.

У адпаведнасьці з новымі палажэньнямі, на рынку змогуць легальна працаваць пасярэднікі перавозак, то бок апэратары прыкладаньняў, такія як, напрыклад, кампаніі Uber і Bolt.

Таксісты лічаць, што гэта нядобрасумленная канкурэнцыя, якую ўрад спрабуе легалізаваць.

аз