Logo Polskiego Radia
Print

Папа Рымскі зьвярнуўся да моладзі

PR dla Zagranicy
Jury Lichtarowicz 14.04.2019 12:11
Ён заклікаў пазбавіцца ад залежнасьці ад мабільных тэлефонаў.
Mazur/episkopat.pl

«Не бойцеся цішыні, пазбаўцеся ад залежнасьці ад мабільнага тэлефона», Папа Рымскі Францішак зьвярнуўся да моладзі падчас аўдыенцыі ў Ватыкане.

Пантыфік заявіў, што сьвет патрэбуе свабодных маладых людзей, якія цэняць інтарэсы грамадзкасьці, а ня толькі карʼеру.

Падчас сустрэчы з вучнямі сярэдняй школы Папа заклікаў моладзь весьці дзяньнік. Цішыня можа быць нуднай, але з часам нуда праходзіць, – аргумэнтаваў ён. Толькі праз унутранае маўчаньне можна пачуць голас сумленьня і адрозьніць яго ад эгаізму і геданізму, зазначыў пантыфік.

Папа Францыск падкрэсьліў, што ня варта станавіцца залежным ад тэлефона. Мабільны тэлефон – гэта вялікі прагрэс, трэба ім карыстацца.

Аднак, калі вы становіцеся рабом тэлефона, вы траціце сваю свабоду, – дадаў ён. Тэлефон становіцца наркотыкам, зводзячы адносіны да простых кантактаў, сувязі, тады як жыцьцё дадзенае нам не для кантакту, а дзеля таго, каб мець зносіны.

ПР/юл

Print
Copyright © Polskie Radio S.A Пра нас Кантакт