Маравецкі: Дзяржавы ЭЗ павінны мець роўныя правы

Прэм'ер-міністар Польшчы Матэвуш Маравецкі заявіў, што дзяржавы-члены Эўразьвязу павінны мець роўныя правы. 26 траўня ў Польшчы пройдуць выбары ў Эўрапарлямэнт.

Кіраўнік урада адзначыў, што ЭЗ, каб выжыць, умацавацца і быць моцным, павінен быць клюбам роўных краін, бо інакш саюз чакае крызіс.

Матэвуш Маравецкі падкрэсьліў, што польскі ўрад, змагаючыся за роўнасьць у ЭЗ, змагаецца за моцны саюз краін Эўропы.

Прэм'ер-міністар Польшчы разам з тым заявіў, што кіруючая ў Польшчы партыя «Права і справядлівасьць» будзе змагацца з дыскрымінацыяй польскіх прадпрымальнікаў у ЭЗ. Кіраўнік урада напомніў, што польскія прадпрымальнікі, якія хочуць экспартаваць прадукцыю ў Нямеччыну, Нідэрлянды або Вялікабрытанію, вымушаны выкарыстоўваць паслугі пасрэднікаў, што нявыгадна для палякаў.

IAR/вк