Польшча скараціла выкіды парніковых газаў на 36 працэнтаў

Польшча скараціла выкіды парніковых газаў у энэргетычным сэктары прыкладна на 36 працэнтаў з 1988 года. Тым ня менш, транспартныя выкіды павялічыліся на 80 працэнтаў – гэтак вынікае са справаздачы, якую прадставіла польская дэлегацыя на кліматычнай канфэрэнцыі COP22 у Маракешы. Разьвітыя краіны, якія маюць мэтавыя паказчыкі па скарачэньні выкідаў парніковых газаў, павінны прадстаўляць такі даклад кожныя два гады.

Агулам падзеньне выкідаў зьвязана з тым, што зьмянілася структура эканомікі Польшчы, але таксама дзяржава спрыяе экалягічнаму, калектыўнаму транспарту.

Выкіды, крыніцай якіх зьяўляецца транспарт, растуць у кожнай краіне, так як узрастае інтэнсіўнасьць руху. Для памяншэньня шкодных рэчываў Эўрапейскі Зьвяз, але і Польшча ўводзяць тэхналягічныя стандарты для аўтамабіляў і купляюць сучасныя цягнікі й аўтобусы.

яс