130-годзьдзе Янкі Купалы

З нагоды 130-годдзя Янкі Купалы пачаліся сьвяточныя мерапрыемствы, прысьвечаныя памяці народнага песьняра. Учора ў Менску ля помніка беларускаму песняру прайшлі купалаўскія чытаньні, а прадстаўнікі Міністэрства культуры й афіцыйнага Саюзу пісьменнікаў усклалі кветкі. Рота ганаровай варты ўсклала вянок ад кіраўніка дзяржавы.

Асноўная частка сьвяткаваньня юбілею Купалы адбываецца сёньня на радзіме пісьменніка ў вёсцы Вязынка.

На розных пляцоўках гасьцей Вязынкі чакаюць разнастайныя сьвяточныя мерапрыемствы.

Сёньня наведвальнікі пошукавай сыстэмы Google.by пры ўваходзе на старонку бачаць партрэт Янкі Купалы. Гэта своеасаблівае віншаваньне з нагоды дня нараджэньня песьняра.

кр/nn.by