Лукашэнка: Віцебск лепшы за Парыж!

fot. belarus.by

У Віцебску адкрыўся XXI Міжнародны фэстываль мастацтваў „Славянскі базар”.

У ацэнцы Аляксандра Лукашэнкі, які ўдзельнічаў у адкрыцьці, віцебскае мерапрыемства стала „адным зь зерняў, зь якіх прарастае эўразійская інтэграцыя”.

Лідар Беларусі параўнаў „Славянскі базар у Віцебску” зь лёнданскай Алімпіядай, назваўшы беларускі фэстваль астраўком вальнадумства.

„Алімпіяда вельмі адстае ад нашага „Базару“. Яна палітызаваная, там вельмі шмат праблем”. Славянскі базар - „гэта астравок вальнадумства, незалежнасьці, і ў нашага „Славянскага базару“ шмат чаму можна павучыцца”, - адзначыў Лукашэнка.

Кіраўнік Беларусі выказаўся й пра тое, што ў пачатку мінулага стагодзьдзя горад на Дзьвіне трапна назвалі беларускім Парыжам.

Паводле яго, менавіта Віцебск сфармаваў непаўторны характар „Славянскага базару”, зрабіўшы яго галоўнымі рысамі шчырасьць, адкрытасьць, інтэлігентнасьць і імкненьне адстойваць эстэтычныя ідэалы.

„Вось тут Парыж ад Віцебска ў гэтым адстае”, - дадаў Аляксандар Лукашэнка.

БелТА/nn.by/аз