Мясьніковіч бярэ валютныя патокі пад свой кантроль
PR dla Zagranicy
Valery Sauko
17.10.2012 17:29
Прэм'ер-міністар будзе асабіста кіраваць пастаянна дзеючай камісіяй па разьвіцьці экспарту і ўдасканаленьні працы замежнай тавараправоднай сеткі.
Як паведамляе прэс-служба ўраду, адпаведнае даручэньне Мясьніковіч зрабіў 16 кастрычніка на паседжаньні прэзыдыюму Рады Міністраў, прызнаўшы працу міністэрства гандлю па каардынацыі разьвіцьця тавараправоднай сеткі недастатковай.
«Кіраўнік ураду заявіў, што сёньня пытаньні барацьбы за рынкі сыравіны й за рынкі продажаў выходзяць за межы эканамічных катэгорый і зьяўляюцца элемэнтамі нацыянальнай бясьпекі», - зазначаецца ў паведамленьні.
Прэм'ер таксама заклапочаны непразрыстасьцю экспартных фінансавых патокаў і падкрэсьлівае актуальнасьць гэтага пытаньня.
эб