„Плюшавы дэсант-2”
PR dla Zagranicy
Natalia Szymkowiak
07.11.2012 14:30
На гэты раз цалкам легальны.
foto: bnp.by
У бліжэйшую суботу швэдзкая праваабарончая арганізацыя Östgruppen правядзе акцыю „Плюшавы дэсант-2”. Мішкі з патрабаваньнем пашаны правоў чалавека паляцяць у Беларусь, але поўнасьцю легальна – у бандэролях. Адрасатамі будуць беларускія дзяржчыноўнікі й палітыкі з “чорнага сьпісу” Эўразьвязу.
“Калі летам 800 швэдзкіх мішак “заляцелі” ў Беларусь, Луашэнка быў разьюшаны й папракаў у тым, што яны незаконна перасяклі мяжу. Таму мы зьбіраемся даслаць мішак у бандэролях, але зноў – з патрабаваньнямі выкананьня правоў чалавека, асабліва свабоды сходаў і асацыяцый, проста Лукашэнку й яго сябрам”, - кажа Марцін Угла, старшыня Östgruppen. Акцыя павінна паказаць падтрымку тым беларусам, якія працуюць на карысьць дэмакратызацыі краіны.
Акцыя пачнецца апоўдні ў суботу ў цэнтры Стакгольму. Удзельнікі прывязуць з сабою мішак, а арганізатары дадуць ім адрасы атрымальнікаў у Беларусі.
“Вясна”/нг