У Барысаве адзначылі 200-годзьдзе бітвы на Бярэзіне

Прадстаўнікі беларускіх уладаў і дыпляматы з пасольстваў Францыі, Расеі і Польшчы ўсклалі кветкі да помнікаў.

Галоўныя ўрачыстасьці з удзелам некалькіx тысяч чалавек прайшлі на Брылеўскім полі. Менавіта там 200 гадоў таму адбылася вырашальная бітва напалеонаўскай арміі з маскоўскім войскам.

На сьвяткаваньні прыбыў нашчадак малодшага брата францускага імпэратара Шарль Напалеон. У размове з журналістамі ён зазначыў, што для яго вельмі важна, каб мясцовае насельніцтва захоўвала памяць аб месцы бітвы, каб людзі наведвалі помнікі загінулым і ўшаноўвалі іх памяць.

Губэрнатар Менскай вобласьці Барыс Батура адзначыў, што падчас вайны 1812 года беларусы змагаліся як у шэрагах арміі Напалеона, гэтак і па расейскім баку.

эб