Logo Polskiego Radia
Print

У Назарэце зьявіцца выява Маці Божай Будслаўскай

PR dla Zagranicy
Anna Zadrożna 07.02.2013 11:47
Керамічная мазаіка будзе зьмешчана ў санктуарыі Зьвеставаньня Найсьвяцейшай Паньне Марыі.

pl.wikipedia.org
pl.wikipedia.org

Са Сьвятой Зямлі атрыманы дазвол на ўсталяваньне мазаічнага выявы Маці Божай Будслаўскай у санктуарыі Зьвеставаньня Найсьвяцейшай Паньне Марыі ў Назарэце.

Падчас перамоваў з айцамі францішканамі, якія апякуюцца санктуарыем, было вырашана аб тым, што абліччы Маці Божай і Дзіцятка Езус будуць выкананы зь керамікі.

2 лютага адбылася сустрэча Мітрапаліта Менска-Магілёўскага арцыбіскупа Тадэвуша Кандрусевіча зь беларускімі майстрамі, якія будуць займацца праектам і выкананьнем самой мазаікі. Паводле абранай канцэпцыі, унізе будзе зьмешчана выява будслаўскай базылікі, уверсе - вoбраз Маці Божай. Памеры мазаікі складуць 2 мэтры вышыні й 70 сантымэтраў шырыні.

Галоўным каардынатарам праекту прызначаны кс. Уладзіслаў Завальнюк, пробашч менскай парафіі Сьвятых Сымона й Алены.

У санктуарыі Зьвеставаньня Найсьвяцейшай Паньне Марыі ў Назарэце прадстаўлены мазаічныя выявы Мадоннаў - апякунак розных краін сьвету: Нэпала, Грэцыі, Францыі, Італіі, Гішпаніі, Партугаліі, Польшчы й інш.

catholic.by/аз

Print
Copyright © Polskie Radio S.A Пра нас Кантакт