Алесь Краўцэвіч піша тысячастаронкавую гісторыю ВКЛ (відэа)

У кніжнай сэрыі “Гарадзенская бібліятэка” выйшла “Гісторыя Вялікага Княства Літоўскага (1248-1341)”. Першы том ахоплівае пэрыяд часу ад узьнікненьня дзяржавы да пачатку яе тэрытарыяльнага росту пры вялікіх князях Віцені й Гедыміне.

Аўтар, доктар гістарычных навук, гарадзенец Алесь Краўцэвіч разглядае ВКЛ не проста як гісторыю беларускіх земляў, а як важны этап беларускай дзяржаўнасьці.

- Я адмовіўся ад традыцыйнага падыходу ў вывучэньні ВКЛ, уласьцівага беларускім гісторыкам як савецкай эпохі, так і часоў незалежнасьці. Для мяне Вялікае Княства – прадаўжальнік дзяржаўнасьці Полацкага, Тураўскага княстваў і адзін з важнейшых чыньнікаў нацыянальнага будаўніцтва. У гэтай кнізе гісторыя ВКЛ падаецца ў кантэксце агульнаэўрапейскай гісторыі, - кажа Алесь Краўцэвіч.

Фармальна гэтая праца – першая ў краіне навуковая сінтэза гісторыі ВКЛ. Усяго плянуецца выдаць некалькі тамоў.

дг

Неўзабаве на сайце “Польскага радыё” чытайце вялікую гутарку з Алесем Краўцэвічам.