Пацярпелыя ад агню

Жыхары Магілёва й Менска атрымалі апёкі ў выніку ўзгараньня лёгкагаручай вадкасьці. Як паведамілі ў Міністэрстве па надзвычайных сытуацыях Беларусі, раніцай 8 жніўня ў менскі шпіталь быў дастаўлены з апёкамі мужчына 1956 году нараджэньня.

Устаноўлена, што пацярпелы атрымаў апёкі ў выніку ўзгараньня газу без наступнага распаўсюджаньня гарэньня падчас правядзеньня агнявых работаў з выкарыстаньнем газавай гарэлкі пры гідраізаляцыі покрыцьця гаража. Мужчына быў адвезены брыгадай хуткай дапамогі ў шпіталь з дыягназам “апёкі 1-3 ступені” 40% цела.

У гэты ж дзень вечарам у Магілёве быў дастаўлены ў шпіталь 25-гадовы хлопец з апёкамі 1-3 ступені паловы цела. На прадпрыемстве, дзе працаваў пацярпелы, адбылося ўзгараньне пароў фарбы.

БелаПАН/нг