Міжнародны зьезд славістаў у Менску

Фота: ampby.org

Звыш 600 навукоўцаў удзельнічае ў XV Міжнародным зьезьдзе славістаў, які адкрыўся ўчора ў Менску. Па словах адной з дэлегатак, Сьвятланы Мэнгель зь Нямеччыны, Міжнародны зьезд славістаў – гэта самы вялікі орган міжнароднай славістыкі. Адмыслоўцы зьбіраюцца ўжо пяць гадоў, займаюцца славянскімі культурамі, мовамі й літаратурамі. Мова кангрэсу – усе славянскія мовы, таму дэлегаты разумеюць адзін аднаго, нават калі задаюць пытаньне на адной мове, а атрымліваюць адказ на іншай.

“Важна захоўваць малыя мовы. Такая тэндэнцыя існуе ня толькі ў славянскай групе моваў, але таксама ў Эўропе. Я думаю, беларуская мова будзе разьвівацца далей і неўзабаве стане адзінай нацыянальнай мовай Беларусі”, - адзначыла Сьвятлана Мэнгель.

“Правядзеньне зьезду славістаў у Менску можна расцэньваць як прызнаньне ўзроўню разьвіцьця беларускай славістыкі, ролі беларускай мовы й літаратуры ў агульнай славянскай культуры”, – мяркуе старшыня арганізацыйнага камітэту зьезду Ўладзімер Гусакоў.

БелаПАН/нг