Зямля пад кантролем КДБ

Урад Беларусі ўнёс зьмены ў парадак выадзяленьня зямлі інвэстарам і заключэньня зь імі адпаведных дамоваў. Цяпер за разьмеркаваньнем зямлі будзе наглядаць КДБ.

Раней любы дзяржаўны орган абавязаны быў разгледзець заяву інвэстара аб заключэньні інвестыцыйнай дамовы і прыняць рашэньне на працягу 30 дзён. Цяпер гэты тэрмін будзе дзейнічаць, толькі калі інвэстар не прэтэндуе на прадастаўленьне яму зямельнага ўчастка для будаўніцтва аб’ектаў, прадугледжаных у інвэстыцыйным праекце. Калі ж зямельны ўчастак неабходны, тэрмін разгляду заявы інвэстара павялічваецца да 60 дзён, але не раней за 30 дзён.

Згодна з новымі правіламі, калі на адзін зямельны ўчастак прэтэндуе два і больш інвэстараў, рашэньне аб тым, каму даць участак і з кім заключыць дамову, будзе прымацца па выніках конкурсу, які будзе прызначаць дзяржорган.

Але самае галоўнае — на працягу аднаго дня пасьля прыняцьця рашэньня аб правядзеньня конкурсу паміж інвэстарамі дзяржаўны орган абавязаны будзе паведаміць пра гэта Камітэту дзяржаўнай бясьпекі.

Новы парадак прадастаўленьня зямлі інвэстарам уступіў у сілу з 1 верасьня 2013 года.

/nn.by/ ej.by