У Менску адкрылася першая «мабільная бібліятэка»

На плошчы Якуба Коласа ўсталяваныя 7 спэцыяльных тумбаў з выявай кніг. На карэньчыку кожнай зь іх нанесены спэцыяльны QR - код або NFC-пазнака, з дапамогай чаго твор можна будзе загрузіць у патрэбным электронным фармаце й захаваць у памяці смартфона або пляншэта.

У "мабільнай бібліятэцы" прадстаўлены кнігі розных жанраў, уключаючы папулярныя беларускія й замежныя творы такіх аўтараў, як Якуб Колас , Янка Купала, Васіль Быкаў, Максім Танк, Максім Гарэцкі, Агата Крысьці, Генрых Сянкевіч, Рэй Брэдберы, Леў Талстой і многіх іншых.

Бібліятэка будзе працаваць кругласутачна, скарыстацца ёй можна будзе на працягу двух тыдняў. А затым, як плянуецца, "мабільную бібліятэку" будуць прадстаўляць ў іншых гарадах Беларусі.

дг/Белта