Старшыню Цэнтрвыбаркама запрасілі ў Ірак
PR dla Zagranicy
Anna Zadrożna
22.02.2014 13:30
Запрашэньне перадаў Ярмошынай пасол Ірака ў Беларусі.
Старшыня Цэнтрвыбаркама Беларусі Лідзія Ярмошына атрымала запрашэньне ўзяць удзел у назіраньні за ўсеагульнымі выбарамі ў Савет прадстаўнікоў Рэспублікі Ірак, якія адбудуцца 30 красавіка.
Запрашэньне паступіла ад Вышэйшай незалежнай выбарчай камісіі Ірака, паведамляе інтэрнэт-сайт беларускай ЦВК.
Яно было перададзена асабіста Ярмошынай 21 лютага ў Менску падчас яе сустрэчы з паслом Ірака ў Беларусі Хайдарам Хадзі.
БелаПАН/аз