У Беларусі ліквідуецца фонд выплат кампэнсацый ахвярам фашызму

Урад Беларусі прыняў рашэньне аб ліквідацыі Беларускага рэспубліканскага фонду " Узаемаразуменьне й прымірэньне»

Фонд створаны для ажыцьцяўленьня фінансавых выплат ахвярам фашызму ў гады Другой сусьветнай вайны: сагнаным на прымусовыя работы і г.д. Для выплат ахвярам ў Расеі, Беларусі і Ўкраіне ўлады ФРГ ў 1993 годзе вылучылі 1 млрд. марак.

"... У сувязі з завяршэньнем выкананьня ўскладзеных на яго задач», - указваецца прычына ліквідацыі фонду ў пастанове Саўміна.

Створанай камісіі даручана да 1 ліпеня бягучага года ліквідаваць фонд.

дг/afn.by