Абхазія зноў просіць Беларусь прызнаць яе сувэрэнітэт
PR dla Zagranicy
Anna Zadrożna
22.08.2014 12:00
Раней Абхазія зьвярталася па гэтай справе да Беларусі ў канцы 2008 году.
Выконваючы абавязкі прэзыдэнта Абхазіі, сьпікер парлямэнта Валерый Бганба накіраваў Аляксандру Лукашэнку ліст з просьбай разгледзець пытаньне аб прызнаньні Беларусьсю сувэрэнітэту й незалежнасьці Рэспублікі Абхазія.
Бганба адзначае, што сувэрэнітэт і незалежнасьць Абхазіі прызнаны такімі краінамі — сябрамі ААН, як Нікарагуа, Вэнэсуэла й Науру.
Пры гэтым ён адзначае гатоўнасьць рэспублікі ў пэрспэктыве далучыцца да Эўразійскага саюза.
Ён зьвяртае ўвагу на тое, што Беларусь і Абхазію „заўсёды зьвязвалі добрыя адносіны”.
Раней у канцы 2008 году Абхазія й Паўднёвая Асэтыя афіцыйна зьвярнуліся ў Нацыянальны сход Беларусі з просьбай прызнаць іх незалежнасьць.
БелаПАН/nny.by/аз