На БЧ - рэйды супраць безьбілетнікаў

Беларуская чыгунка актыўна праводзіць рэйды супраць безьбілетнікаў пад пагрозьлівай назвай „дэкада суцэльнага кантролю”.

У кантрольных мерапрыемствах удзельнічаюць кантралёры-рэвізоры, супрацоўнікі вайсковай аховы й работнікі Менскага аддзяленьня дарогі, супрацоўнікі праваахоўных органаў.

Час надгляду кожнага цягніка складае ад 5 да 6 хвілін. Перад прыпынкам праз сетку салоннай абвесткі пасажыраў інфармуюць аб парадку праверкі.

Раней, з мэтай узмацнення барацьбы зь безьбілетным праездам, Беларуская чыгунка правяла дэкаду суцэльнага кантролю ў цягніках рэгіянальных ліній эканомкляса на ўсіх аддзяленьнях дарогі.

Мерапрыемствы суцэльнага кантролю працягнуцца да 1 верасьня на Менскім чыгуначным вузьле.

charter97.org/аз