Мінгандлю абавяжа фатографаў зарэгістравацца ў рэестры

Згодна з пастановай Савету міністраў, усе суб’екты, што аказваюць у Беларусі бытавыя паслугі, мусяць быць занесеныя ў адмысловы рэестр. Крайні тэрмін рэгістрацыі – 1 чэрвеня 2015 году, пасьля гэтага аказваць бытавыя паслугі будзе забаронена. Падрабязна пра рэестр распавядаецца на сайце Мінгандлю.

Такім чынам таксама фатографы, у тым ліку індывідуальныя прадпрымальнікі й фатографы-фрылансэры, мусяць прайсьці рэгістрацыю, калі аказваюць бытавыя фотапаслугі. Фотапаслугамі лічыцца й здымкі мерапрыемстваў (напрыклад, вясельляў), і апрацоўка фота (напрыклад, рэтуш).

Пастанова ня тычыцца людзей з фотаапаратамі, якія здымаюць не ў камэрцыйных мэтах.

Хоць з тэксту пастановы бачна, што дакумэнт ня тычыцца СМІ, але фатографы, якія працуюць у СМІ, абавязаныя рэгістравацца ў згаданым рэестры, калі аказваюць дадаткова бытавыя паслугі.

nn.by/аз