Цэнтры сацабслугоўваньня Менска правядуць дні адкрытых дзьвярэй

Тэрытарыяльныя цэнтры сацыяльнага абслугоўваньня насельніцтва Менска правядуць дні адкрытых дзьвярэй. Аб гэтым паведаміла намесьнік старшыні камітэта па працы, занятасьці й сацыяльнай абароне Менгарвыканкама Ірына Дудка.

Мерапрыемствы цэнтраў прымеркаваны да Дня пажылога чалавека й адбудуцца ў пэрыяд з 17 верасьня па 4 кастрычніка.

Першым Дзень адкрытых дзьвярэй праводзіў сёньня тэрытарыяльны цэнтар сацыяльнага абслугоўваньня насельніцтва Заводзкага раёна сталіцы на базе аддзяленьня дзённага знаходжаньня для інвалідаў. Акрамя таго, у цэнтры дзяжурыў памочнік урача 21-й цэнтральнай раённай паліклінікі сталіцы.

У Ленінскім раёне мерапрыемствы арганізуюць 18 верасьня, Кастрычніцкім - 22 верасьня, Партызанскім - 23 верасьня, Першамайскім - 24 верасьня, Савецкім - 25 верасьня, Фрунзенскім - 28 верасьня, Цэнтральным - 29 верасьня й Маскоўскім - 4 кастрычніка.

„Многія пажылыя людзі займаюць актыўную жыцьцёвую пазыцыю. Таму задача цэнтраў сацыяльнага абслугоўваньня - прадаставіць ім магчымасьць рэалізаваць сябе ў розных напрамках, арыентаваўшы на прыгожую старасьць”, - сказала Ірына Дудка.

Сярод сталічных пэнсіянэраў запатрабаваны паслугі цэнтраў, у тым ліку такія, як школы танцаў, валянцёраў, сацыяльнага турызму для пажылых. Правядзеньне дзён адкрытых дзьвярэй дасьць магчымасьць цэнтрам сацабслугоўваньня папулярызаваць паслугі і ўключыць большую колькасьць пажылых у актыўнае сацыяльнае жыцьцё.

belta.by/аз